Nada no Universo atópase nun estado de repouso absoluto. O movemento é natural: a Terra, a auga que hai nela, a atmosfera, os continentes, todos os organismos vivos están en continuo movemento. Camiñamos, corremos, saltamos, gateamos, nadamos, voamos. Viaxamos. Este libro trata do movemento e a viaxe: non só o das persoas, senón tamén o dos animais, as plantas, o vento e a auga do noso planeta. Trata de viaxes de comercio ou de conquista, de viaxes de pracer ou de supervivencia, de expedicións científicas e de peregrinacións. De migracións, mapas, navegación e, en definitiva, de como atopar o camiño propio. As palabras que máis escoita un viaxeiro nas súas andanzas son onde vas? e de onde vés?. Este libro é unha viaxe gráfica e intelectual a través de miles de anos en busca de respostas a estas preguntas e moitas máis.