Unha proposta que nos convida a escoitar e a mirar doutro xeito, que nos convida a miroscopiar . O miroscopio é un artefacto que xorde da potente creatividade dun neno narrador. Esa imaxe que el nos regalou púxonos no camiño desta iniciativa: temos que miroscopiar , que é mirar escoitando, que é mirar observando, que é mirar cara a dentro e darlle voltas á mirada, que é mirar preguntando, que é mirar pedindo explicacioness, que é un mirar coidadoso e afectuoso que é, en definitiva, o que fan todos os nenos de mundo aínda que que non o saiban.

María soña coa posibilidade de ser independente para saír de casa soa e, tamén, coas cousas que poderá facer cando o consiga. O que máis lle apetece, ademais de ir comprar o pan ou ao parque, é viaxar polo espazo coa súa boneca Laica.
Da man desta nena, imos emprender unha viaxe galáctica por mundos e seres á súa medida; pero, ademais, tamén nos mostrará algo do seu universo interior ou, o que é o mesmo, do que ela garda na súa barriga.

1º-2º Primaria